ხშირად დასმული კითხვები

ქრაუდფანდინგის ძირითადი იდეაა, ათეულობით, თუ ასეულობით პირის მიერ, ერთიანი ძალებით, მსხვილი პროექტების განხორციელება. მათთვის, ვისაც აქვს განსხვავებული, საინტერესო და კრეატიული იდეა, ქრაუდფანდინგი არის მარტივი საშუალება, გააცნონ საკუთარი იდეა ადამიანების მოცულობით რაოდენობას, მიიღონ ხალხის მხარდაჭერა, მოიზიდონ ლოიალური მომხმარებლები და მოიპოვონ დაფინანსება იდეის განსახორციელებლად.

ხოლო იმ ადამიანებისთვის, ვისაც სურს თანხის პროდუქტიულ საქმეში მოხმარება, სოციალური პროექტების მხარდაჭერა, პროდუქტის წინასწარ შეძენა და სხვ., ქრაუდფანდინგი წარმოადგენს ამის მარტივ, დაცულ და სანდო საშუალებას.

ფანდრაიზერი სწორედ ქრაუდფანდინგ პლატფორმაა, რომლის შესახებ დამატებით ინფორმაციას გრაფაში "ამბავი ჩვენ შესახებ" იხილავთ.

კამპანიის დასაწყებად საჭიროა მხოლოდ და მხოლოდ განსაკუთრებული სურვილი, იმისა, რომ თქვენს გარშემო სამყარო უკეთესობისკენ შეცვალოთ. ჩვენთან დაწყებული თითოეული კამპანია ჩვენი გარემოს უკეთესობისკენ შეცვლას ემსახურება. იმისთვის, რომ დაიწყო პროექტის განთავსება, მიჰყევი ბმულს: დაიწყე კამპანია მარტივად

ფანდრაიზერზე კამპანია მინიმუმ 10, მაქსიმუმ კი 60 დღე გრძელდება.

ამ კითხვაზე ძალიან ბევრი პასუხი არსებობს. პირველ რიგში, პროექტში თანხის ინვესტირებით, შეგიძლიათ, წინასწარ შეისყიდოთ პროდუქტი ან მომსახურება საწყის ფასად და ამით ხელი შეუწყოთ პროექტის სამომავლო განვითარებას, რაც ნამდვილად გამართლებული მიზეზია პროექტში ინვესტირებისთვის, რადგან თქვენ ამ ფასად ვერ ნახავთ იგივე პროდუქტს ან მომსახურებას.

ასევე თქვენ ხდებით პროექტის მხარდამჭერი და ხელს უწყობთ ქართული წარმოების განვითარებას, თუ სოციალური პროექტების იდეების რეალობად ქცევას. თქვენ არამხოლოდ ყიდულობთ პროდუქტს ან მომსახურებას, არამედ მონაწილეობას იღებთ სხვადასხვა კომპანიის დაბადებასა და განვითარებაში, თვალს ადევნებთ მის წარმატებას, რომელშიც თქვენი როლი შეუფასებელია.

FUNDRAISER.GE-ზე პროექტის განთავსება შეუძლია ნებისმიერ ფიზიკურ თუ იურიდიულ პირს;

პროექტის დადება არ შეუძლიათ პოლიტიკურ პარტიებსა და მათ წარმომადგენლებს, რუსეთის მოქალაქეებსა და იმ პირებს, რომელთა საბანკო ანგარიშები ყადაღადადებულია აღსრულების ეროვნული ბიუროს მიერ.

ჩვენს პლატფორმაზე პროექტის დაფინანსების ორი გზა არსებობს: პლატფორმაზე შეხვდებით პროექტებს, რომელთა დაფინანსება ხდება პაკეტებით და პაკეტების გარეშე (პირდაპირი დონაციით). თუ პაკეტებად დაყოფილ პროექტს აფინანსებთ, თქვენ შეგიძლიათ აირჩიოთ მოცემული პაკეტებიდან ერთ-ერთი, რომლის კონკრეტულ შინაარსა და ღირებულებას იხილავთ თავად პროექტის გვერდზე.

პაკეტის შეძენისას (თანხის ინვესტირებისას), თქვენ იღებთ გარკვეულ ბენეფიტს/პროდუქტს/მომსახურებას პროექტის ავტორისგან, ხოლო თავად პროექტის ავტორი უზრულნველყოფს თქვენთვის პაკეტით შეძენილი პროდუქციის მოწოდებას და საბაზრო ფასთან შედარებით იაფი გაყიდვით აგროვებს საინვესტიციო თანხას. ხოლო, სოციალური პროექტის შემთხვევაში, პროექტის ავტორი საზოგადოების მიერ შეგროვებული თანხით ახორციელებს სოციალურ პროექტს, რომელიც საერთო სარგებლის მომტანია საზოგადოებისთვის.

პირდაპირი დონაცია გულისხმობს, პროექტში ინვესტირებას პროდუქტის მიღების გარეშე, ასეთ შემთხვევაში თქვენ ხდებით სოციალურად მნიშვნელოვანი პროექტის მხარდამჭერი.