One Caucasus უკრაინისთვის!

ამიტომ გადავწყვიტეთ მივუძღვნათ წლევანდელი ღონისძიება უკრაინის მხარდაჭერას! ჩვენ მოვუწოდებთ ყველას მონაწილეობა მიიღონ ჩვენს ფინანსების შეგროვების კამპანიაში! 

ამ მიზნით, ა(ა)იპ “ერთი კავკასია” (საქართველო) და “სხვა სივრცის” ფონდი (პოლონეთი), “მაგიური კარპატის” ფონდთან თანამშრომლობით ვაგროვებთ თანხას, რომელიც გამოყენებული იქნება უკრაინის დამცველების მხარდასაჭერად და მათი ყველაზე მნიშვნელოვანი საჭიროებების დასაკმაყოფილებლად. “მაგიური კარპატის” ფონდი დაფუძნებულია განათლების, ადამიანის უფლებების დაცვისა და სამოქალაქო საზოგადოების განვითარების პროექტების განსახორციელებლად.

 რუსეთის მიერ უკრაინაში არალეგალური შეჭრის შემდეგ ფონდმა შეაგროვა 2 000 000 პოლონური ზლოტი და მოახმარა დონბასის რეგიონს 11 სავსე დიდი სატვირთო მანქანის უკრაინელი დამცველებისთვის გაგზავნის გზით. მიწოდებულ იქნა შემდეგი ტიპის ნივთები: ტაქტიკური პირველადი დახმარების პაკეტები, წამლები საველე საავადმყოფოებისთვის, ჯარისკაცების აღჭურვილობა (როგორიცაა ღამის ხედვის ხელსაწყოები, ოპტიკური სათვალეები, ტაქტიკური ჯავშანჟილეტები, ჩაფხუტები). “მაგიური კარპატის” ფონდის ძირითადი პრინციპია დაეხმაროს მათ, ვისაც ყველაზე მეტას სჭირდება: ჯარისკაცებს, ექიმებს და დაჭრილ ადამიანებს. ამიტომაც, ფონდმა ზუსტად იცის რა სჭირდებათ მის ბენეფიციარებს. ფინანსების შეგროვების კამპანია ერთი რამაა, თუმცა “უკრაინის გაძლიერების ინიციატივის” (Ukraine Confidence Building Initiative) წყალობით ჩვენ ამ აგვისტოს შევძელით დაგვეფარა 19 უკრაინელი One Caucasus-ის თანაშემქმნელის მგზავრობის ხარჯები.

 ეს ადამიანები არიან არქიტექტორები, ანიმატორები, ფილმების შემქმნელები, მუსკოსები. მათთან ერთად ჩვენ ვქმნით მუსიკის, ხელოვნებისა და ადგილობრივი გარდაქმნების პროექტებს, ადგილობრივ თემებთან ერთად საქართველოში One Europe One Caucasus პროგრამის ფარგლებში. უკრაინის მხარდაჭერა მნიშვნელოვანია, რადგან ადამიანის ღირსება და ტირანიისადმი წინააღმდეგობა ჩვენი საზოგადოებების საფუძველია. 

One Caucasus შეიქმნა კავკასიის გულში - სადაც სხვადასხვა კონფლიქტმა ტრაგედია მოუტანა ათი ათასობით ადამიანს და შეაფერხა განვითარების შესაძლებლობები მილიონობით ადამიანისთვის. ჩვენ გვსურს ახალგაზრდებს შევთავაზოთ უსაფრთხო და შთამაგონებელ სივრცე და ვაჩვენოთ უკეთესი მომავლის შესაძლებლობა. One Caucasus დაფუძნებულია ადამიანის ღირსებისა და თავისუფლების პატივისცემის უნივერსალურ ღირებულებებზე.