მოგწონს საქართველოში დამზადებული ხელნაკეთი ნივთები? უცხოელებიც გიჟდებიან, თუმცა, პანდემიის გამო, ვერ ხერხდება ამ საოცარი ნაწარმის საქართველოს ფარგლებს გარეთ რეალიზაცია.
ჩვენ ვეხმარებით ქართველ ხელოვანებს პროდუქტის ონლაინ რეალიზაციაში, თუმცა ჩვენი ძალები საკმარისი არ არის და შენი დახმარება გვჭირდება. შენი დონაციით, ჩვენ შევძლებთ, უსასყიდლოდ განვათავსებინოთ არტისტებს ხელნაკეთი ნაწარმი ამერიკის უდიდეს საიტ Etsy.com-ზე, გავაყიდინოთ და ერთად გავუკეთოთ ჩვენი ქვეყნის კულტურას პოპულარიზაცია.
გააკეთე დონაცია, დაეხმარე ჩვენს პროექტს და ერთად გავაცნოთ მსოფლიოს ქართველი ხელოვანების შექმნილი ხელნაკეთი საოცრებები.
ჩვენ ქართველ ხელოვანებს ვემსახურებით, ადამიანებს, რომლებიც საკუთარი ხელებით ქმნიან პროდუქტს და გვინდა, რომ ამ ადმიანებმა ხელნაკეთი ნაწარმის ონლაინ რეალიზაცია ღირსეულ ფასად შეძლონ მსოფლიო ბაზარზე. ასევე, გვინდა, რომ უფრო მეტმა უცხოელმა გაიცნოს საქართველოს კულტურა და მეტმა ადამიანმა შეძლოს თვითრეალიზაცია და თვითდასაქმება. ჩვენ მტკიცედ გვჯერა, რომ ერთობლივი მხარდაჭერითა და აქტივობით ეს ყველაფერი მიღწევადია.
შენი დონაციით ჩვენ შევძლებთ:
- ქართველი ხელოვანების უფასოდ დახმარებას ნაწარმის რეალიზაციაში;
- უცხოელებისათვის ქართული კულტურის გაცნობასა და პოპულარიზაციას;
- უამრავი ადმაიანის თვითდასაქმებას;
- ადამიანებისათვის სწავლებას, როგორ მართონ ონლაინ გაყიდვების პროცესი;
დონაციის პაკეტებიც შევეცადეთ პრაქტიკული შედეგების მიღებაზე ყოფილიყო ორიენტირებული. სწორედ ამიტომ, შემოგთავაზეთ დონაციის 6 პაკეტი.
- ჩამოთვლილთაგან პირველი 3 პაკეტი მხოლოდ დონაციას გულისხმობს. ამ თანხით ჩვენ ონლაინ ოპტიმიზირებას გავუკეთებთ ქართველი ხელოვანების მიერ უკვე გახსნილ ონლაინ მაღაზიებს და მოვამზადებთ მათ დამდეგი წინაასაახალწლო და საშობაო აქტიური გაყიდვებისათვის.
- პაკეტი ,,ეთსი შოპის ოპტიმიზაციით" ჩვენ კონკრეტულად ამ დონაციის გამკეთებელს (მყიდველს) მოვემსახურებით სრულიად უფასოდ. ჩვენი ჯგუფი მის ონლაინ მაღზიას SEO (საძიებო სისტემის) ოპტიმიზაციას გაუკეთებს.
- ,,1 თვიანი მომსახურების" პაკეტით, ჩვენ შევძლებთ მყიდველის ონლაინ მაღაზია გადმოვიბაროთ სამართავად 1 თვის განმავლობაში და ამ პერიოდში მაქსიმალურად ვსრულყოთ ის აქტიური გაყიდვების მისაღებად.
- ხოლო ბოლო, ,,საკონსულტაციო მომსახურების" პაკეტით, ჩვენ სიამოვენბით გაგიწევთ ერთჯერად ონლაინ კონსულტაციას თქვენთვის საინტერესო საკითხზე ელექტორნული კომერციის სფეროში (,,ეთსიზე" მაღაზიის რეგისრაცია, განცხადებების შედგენა და ატვირთვა, ლოჯისტიკა, ,,ამაზონზე" პროდუქტის გაყიდვა, გაყიდვები ,,იბეის" პლატფორმაზე).
--
ჩვენი ჯგუფი და საქართველოს ონლაინ კომერციის ასოციაცია ეხმარება ადამიანებს პროდუქციის გლობალურ ბაზარზე რეალიზებაში. ამისათვის ჩვენ სპეციალური სამართავი სისტემაც შევქმენით, რომლის დახმარებითაც, შეგვიძლია, რომ დავეხმაროთ ადამიანებს პროდუქციის ამაზონზე, ეთსიზე, იბეისა და საკუთარ ვებსაიტებზე განთავსებაში.
მიუხედავად იმისა, რომ საქართველოში ულამაზესი ხელნაკეთი ნივთები იქმნება, პანდემიისა და ტურისტების სიმცირის გამო, ბევრ მათგანი ვეღარ ახერხებს ნამუშევრების რეალიზებას და რჩება შემოსავლის წყაროს გარეშე, საკუთარი ხელით შექმნილი ხელნაკეთი ნამუშევრებისა და მომავლის იმედის ამარა. ჩვენ ბევრ ხელოვანს დავეხმარეთ პროდუქტის რეალიზებაში საერთაშორისო ონლაინ პლატფორმებზე. უკვე 30 ათასამდე ქართული პროდუქტი განთავსდა ყველაზე დიდ, ხელნაკეთი ნივთების პლატფორმა ეთსიზე და უამრავმა ხელოვანმა შეძლო ქართული კულტურის გაცნობა უცხოელებისათვის, საკუთარი თავის დასაქმება და საქართველოს სახელის პოპულარიზაცია მთელს მსოფლიოში. ჩვენ მათ პროდუქციის ონლაინ რეალიზებაში ვეხმარებით მსოფლიოში ყველაზე დიდ, ამერიკულ პლატფორმა Etsy.com-ზე ნამუშევრების განთავსებით.
მიუხედავად იმისა, რომ წინ ახალი წლის გრანდიუზული გაყიდვებისთვის მიმდინარეობს მზადება წამყვან ონლაინ პლატფორმებზე, ჩვენ ვერ ვახერხებთ ქართველი ხელოვანების დახმარებას, შეზღუდული ფინანსური რესურსების გამო. სწორედ ამიტომ გვჭირდება თქვენი თანადგომა და დახმარება. თქვენი დონაციით, უამრავი ქართველი ხელოვანის ნამუშევარი განთავსდება მსოფლიოს წამყვან ვებსაიტებზე, მოხდება ქართული ხელნაკეთი ნაწარმის პოპულარიზაცია და რეალიზაცია. ამ ყველაფრის შედეგად, მრავალი ქართველი ხელოვანი შეძლებს თავისი საყვარელი საქმიანობის კიდევ უფრო დიდი შთაგნოებითა და შემართებთ გაგრძელებას.
ჩვენ თქვენი დახმარების იმედი გვაქვს.