პროექტი მეურნეობა გულისხმობს ქართული სკოლებისთვის გარანტირებული შემოსავლის მექანიზმის შექმნას, მათთვის მცირე და საშუალო საწარმოებისა და Enterprise to School სწავლების მეთოდის დანერგვას, რაც თავის მხრივ, საქართველოს საჯარო სკოლების ტერიტორიაზე სხვადასხვა საწარმოების მოწყობასა და ახალი ბრენდის - მეურნეობა შექმნას გულისხმობს.
პროექტის შედეგად, მოსწავლეები პრაქტიკაში შეძლებენ ისწავლონ საწარმო და აგრო ტექნოლოგიები, მარკეტინგი, გაყიდვები, ბრენდინგი, მართვა და ლოჯისტიკა მეწარმეობა და ყველა იმ საჭირო რგოლის უნარ-ჩვევები, რაც საჭიროა საწარმოს მართვისა თუ ახალი ბრენდის შექმნისა და განვითარებისთვის.
მეურნეობა - პირველი პროექტი: მარწყვის 500 კვ.მ. სათბური სოფელ ზემო ნიქოზის საჯარო სკოლაში.
ლოკაცია: შიდა ქართლის რეგიონი, გორის მუნიციპალიტეტი, ქ. ცხინვალის მოსაზღვრე სოფელი ზემო ნიქოზი. პროექტის ფარგლებში, პირველ საპილოტე ლოკაციად შეირჩა სოფელ ზემო ნიქოზის საჯარო სკოლა. ზემო ნიქოზი წარმოადგენს საოკუპაციო გამყოფი ზოლის სოფელს, ქალაქ ცხინვალის მოსაზღვრე სოფელს, რომელიც ცხინვალისგან სულ რამდენიმე მეტრშია. ნიქოზიდან კარგად ჩანს ცხინვალის ქუჩებიც. ნიქოზის სკოლაში სწავლობს 161 მოსწავლე.
ვინაიდან სოფელი ზემო ნიქოზი არის ჩვენი პროექტის პირველი პროექტი, მოხდება მიმდებარე ტერიტორიის განვითარება და პროექტის საბაზისო ადგილად იქცევა, სადაც გაიმართება სხვადასხვა მუდმივი კამპანიები პროექტები და ღონისძიებები.
ჩვენ უკვე ავაშენეთ მარწყვის 500 კვ.მ სათბური, დავრგეთ მარწყვი და გვაკლდება გათბობის სისტემისთვის 15 000 ლარი
პროექტის შესახებ დეტალური ინფორმაცია შეგიძლიათ იხილოთ: https://thankyou.ge/pages/3